प्रधानमंत्री किसान सन्मान निधी योजनेअंतर्गत
लाभासाठी ई-केवायसी प्रमाणीकरण बंधनकारक
नांदेड, (जिमाका) दि. 26 :- प्रधानमंत्री किसान सन्मान निधी योजनेअंतर्गत पात्र शेतकऱ्यांना योजनेचा एप्रिल-जुलै 2022 या कालावधीत लाभ घेण्यासाठी ई-केवायसी प्रमाणीकरणाची प्रक्रिया बंधनकारक केले आहे. त्यानुसार प्रधानमंत्री किसान सन्मान निधी (पीएम किसान) https://pmkisan.gov.in या वेबसाईटवर फार्मर कॉर्नर (Farmer Corner) या टॅबमध्ये किंवा पी.एम. किसान ॲप ओटीपीद्वारे लाभार्थ्यांना स्वत: ई-केवायसी प्रमाणीकरण मोफत करता येईल. तसेच ग्राहक सेवा केंद्र (सीएससी) येथे प्रति लाभार्थी 15 रुपये दराने ई-केवायसी प्रमाणीकरण बायोमॅट्रिक पद्धतीने करता येईल, अशी माहिती निवासी उपजिल्हाधिकारी प्रदीप कुलकर्णी यांनी प्रसिद्धी पत्रकाद्वारे दिली आहे.
प्रधानमंत्री किसान सन्मान निधी (पीएम किसान) पोर्टलवर नोंदणीकृत पात्र लाभार्थ्यांची ई-केवायसी 31 मार्च 2022 अखेर पर्यंत पूर्ण करण्याबाबत शासनाने सूचना आहेत. त्याअनुषंगाने ई-केवायसी करण्यासाठी ओटीपी किंवा बायोमॅट्रिक हे पर्याय उपलब्ध करुन दिले आहेत.
000000
No comments:
Post a Comment