पोलीस शिपाई भरती परीक्षा केंद्र

परिसरात कलम 144 लागू 

नांदेड, (जिमाका) दि. 13 :- मुंबई शहर पोलीस शिपाई भरतीची लेखी परीक्षा रविवार 14 नोव्हेंबर 2021 रोजी जिल्ह्यात 23 परीक्षा केंद्रावर घेण्यात येणार आहे. या परीक्षा केंद्र परिसरात कलम 144 लागू करण्यात आले आहे. जिल्हादंडाधिकारी डॉ. विपीन इटनकर यांनी फौजदारी प्रक्रिया संहिता 1973 चे कलम 144 अन्वये याबाबत आदेश निर्गमीत केले आहेत. 

या परीक्षा केंद्रापासून 100 मिटरच्या परिसरात रविवार 14 नोव्हेंबर रोजी सकाळी 8 ते रात्री 8 वाजेपर्यंतच्या कालावधीत परीक्षार्थी व परीक्षेच्या कामाशी संबंधीत असलेले अधिकारी व कर्मचारी या व्यतिरीक्त इतर कोणत्याही व्यक्तीस प्रवेश करता येणार नाही. तसेच या कालावधीत परीक्षा केंद्राच्या परिसरातील 100 मीटर पर्यंतची सर्व सार्वजनिक टेलिफोन्स, एस.टी.डी., आय.एस.डी, भ्रमणध्वनी, फॅक्स, झेरॉक्स आणि ध्वनीक्षेपक चालू ठेवण्यास प्रतिबंध करण्यात आले आहे.

00000