रेल्वे ओव्हर ब्रिज कामासाठी भोकर शहरातील रस्त्याचा पर्यायी मार्ग 

नांदेड (जिमाका) दि. 6 :- रेल्वे ओव्हर ब्रिज कामासाठी भोकर शहरातील आंबेडकर चौक ते प्रफुल्लनगर (मुदखेड रोड) रेल्वे गेट नं. 3 पर्यंत रस्ता व वळण रस्ता 5 ऑगस्ट ते मंगळवार 10 ऑगस्टच्या रात्री 12 वाजेपर्यंत सर्व प्रकारच्या वाहतुकीसाठी प्रतिबंध केला आहे. जाण्या-येण्यासाठी पर्यायी मार्ग रस्त्याचा वापर प्रफुलनगर (भोकर-मुदखेड रोड)- सोमला नाईक चौक-अण्णाभाऊ साठे चौक ते आंबेडकर चौकचा वापर करावा. 

या कालावधीत पोलीस विभागाने वाहतुकीचे नियमन व नियंत्रण करावे. आदेशाचे कोणी उल्लंघन केल्यास त्यांच्यावर कायदेशीर कार्यवाही पात्र राहील, अशी अधिसूचना जिल्हादंडाधिकारी डॉ. विपीन इटनकर यांनी निर्गमीत केली आहे.

000000