बांबु लागवड व रेशीम लागवड मार्गदर्शन कार्यशाळेचे आयोजन

पालकमंत्री अशोक चव्हाण यांच्या हस्ते मंगळवारी उद्घाटन

नांदेड (जिमाका) दि. 12 :- बांबु लागवड व रेशीम लागवड मार्गदर्शन कार्यशाळा मंगळवार 15 जून रोजी जिल्हाधिकारी कार्यालय परिसरातील डॉ. शंकरराव चव्हाण जिल्हा नियोजन भवन येथे सकाळी 10 वा. कृषि, महसुल  व वनविभाग यांच्या संयुक्त विद्यमाने आयोजीत करण्यात आली आहे. या कार्यशाळेचे उद्घाटन नांदेड जिल्ह्याचे पालकमंत्री अशोक चव्हाण यांच्या हस्ते होणार आहे. यावेळी जिल्हाधिकारी डॉ. विपीन इटनकर, जिल्हा परिषदेचे मुख्य कार्यकारी अधिकारी सौ. वर्षा ठाकुर यांची प्रमुख उपस्थिती राहणार आहे.

 

या कार्यशाळेस माजी आमदार पाशा पटेल, जळगावचे बांबु अभ्यासक संदिप माळी, वसंतराव नाईक मराठवाडा कृषि विद्यापिठाचे रेशीम संशोधक श्री लटपटे हे मार्गदर्शन करणार आहेत. बांबू व रेशीम लागवड करणाऱ्या शेतकऱ्यांनी या कार्यशाळेचा लाभ घ्यावा, असे अवाहन जिल्हा अधिक्षक कृषि अधिकारी आर. बी. चलवदे, उप वनसंरक्षक एम. आर. शेख व उपजिल्हाधिकारी रोहयो श्रीमती अनुराधा ढालकरी यांनी केले आहे.

00000