11 जानेवारीला आरटीओ कार्यालयाचे

अनुज्ञप्तीचे कामकाज राहणार सुरु

नांदेड (जिमाका) दि. 6 :- श्री क्षेत्र खंडोबा माळेगाव यात्रा पालखी सोहळ्यानिमित्त सोमवार 11 जानेवारी  2021 रोजी नांदेड जिल्ह्याला स्थानिक सुट्टी जाहीर केली आहे. यादिवशी प्रादेशिक परिवहन कार्यालयाच्यावतीने शिकाऊ व पक्की अनुज्ञप्ती चाचणी तसेच योग्यता प्रमाणपत्र नुतनीकरणाचे कामकाज पूर्वनियोजित मुलाखतीनुसार केले जाणार आहे. अर्जदारांची गैरसोय होऊ नये यासाठी सोमवार 11 जानेवारीला हे कामकाज सुरु राहणार आहे. याव्यतिरिक्त इतर कामकाज होणार नाही याची संबंधित नागरिकांनी नोंद घ्यावी, असे आवाहन प्रादेशिक परिवहन अधिकारी शैलश कामत यांनी केले आहे.  

000