केळी पिकासाठी कृषि संदेश

नांदेड (जिमाका) दि. 9 :- उपविभागीय कृषि अधिकारी नांदेड अंतर्गत मुदखेड, अर्धापूर या तालुक्यात केळी पिकांसाठी किड व रोग सर्वेक्षण व सल्ला प्रकल्पाचे काम राबविण्यात येत असून केळी पिक संरक्षणासाठी पुढीलप्रमाणे संदेश देण्यात आला आहे. 

केळी पिकांवरील फुलकिडे नियंत्रणासाठी केळीच्या घडावर व्हीर्टीसिलियम लेकॅनी  (2x108 cfu/gm) 3 ग्रॅम लि. पाणी अधिक स्टीकर 1 मिली किंवा निंबोळी अर्क 5 टक्के स्टीकर 1 मिली फवारणी करावी. फुलकिडे नियंत्रणासाठी केळ फुलबाहेर पडल्यावर त्यांना पॉलीथीनची पिशवी घालावी.

केळीच्या पानावरील ठिपके नियंत्रणासाठी ठिपके आढल्यास तो भाग काढुन व बागेच्या बाहेर नेऊन नष्ट करावा. केळीचा प्लॉट स्वच्छ व तणविरहीत  ठेवावा. तसेच पाण्याचा निचरा व्यवस्थित  करावा. पाणी साचणार नाही. याची काळजी घ्यावी असे आवाहन आर. टी. सुखदेव उप विभागीय कृषि अधिकारी , नांदेड यांनी केले आहे.

00000