माळेगाव यात्रेच्या अनुषंगाने

अवजड वाहनाच्या वाहतूक मार्गात बदल

नांदेड दि. 23 :- लोहा तालुक्यातील माळेगाव येथील खंडोबाराया यात्रा कालावधी भाविकांच्या सुरक्षीततेच्या दृष्टीने अवजड वाहनाच्या वाहतूक मार्गात बदल करुन पर्यायी मार्गाचा वापर करण्याबाबत अधिसुचना जिल्हादंडाधिकारी अरुण डोंगरे यांनी प्रसिद्धी केली आहे.   

मुंबई पोलीस अधिनियम 1951 कलम 33 नुसार जिल्हादंडाधिकारी अरुण डोंगरे यांनी यात्रा कालावधीत 23 ते 31 डिसेंबर 2019 च्या मध्यरात्री पर्यंत अस्तीत्वात असलेला मार्ग नांदेडकडून लातूरकडे येणारी अवजड वाहनाची वाहतूक लोहा-पालम-गंगाखेड-राणीसावरगाव-सांगवी तर लातूरकडून नांदेडकडे येणाऱ्या अवजड वाहनास सांगणी-राणीसावरगाव-गंगाखेड-पालम-लोहा या आवश्यक असलेल्या पर्यायी मार्गाचा वापर करावा, असे अधिसुचनेत नमूद केले आहे.  

0000