उच्चरक्तदाब दिनाचे उद्घाटन संपन्न

नांदेड, दि. 21 :-  जागतिक उच्चरक्तदाब दिनाचे उद्घाटन जिल्हा शल्यचिकित्सक डॉ. बी. पी. कदम यांच्या मार्गदर्शनाखाली श्री गुरुगोबिंद सिंघजी स्मारक जिल्हा रुग्णालय येथील बाह्य रुग्ण विभागात आज करण्यात आले.

याप्रसंगी अतिरिक्त जिल्हा शल्यचिकित्सक डॉ.  एन. आय. भोसीकर यांनी उपस्थित रुग्णांना उच्चरक्तदाब या आजाराबद्दल मार्गदर्शन केले. रुग्णालयातील एनसीडी विभागाद्वारे 85 रुग्णांचे  उच्चरक्तदाब (बीपी) व शुगरची तपासणी करण्यात आली. तसेच जागतिक दहशतवादी विरोधी दिनानिमित्त दहशतवाद विरोधी शपथ घेण्यात आली. यावेळी जिल्हा कार्यक्रम अधिकारी रुग्णालयातील वैद्यकीय आरोग्य अधिकारी, कर्मचारी व रुग्ण उपस्थित होते. 

000000