जिल्हा वार्षिक योजनेच्या सर्वसाधारणसाठी

नांदेड जिल्ह्याची 97 कोटींची अतिरिक्त मागणीचा प्रस्ताव

औरंगाबाद, दि.17 (जिमाका) – नियोजन विभागाच्या वित्त व नियोजन मंत्री श्री.सुधीर मुनगंटीवार यांच्या अध्यक्षतेखाली झालेल्या औरंगाबाद येथील राज्यस्तरीय बैठकीत नांदेड जिल्ह्याने सर्वसाधारण योजने अंतर्गत वर्ष 2019-20 साठी 97 कोटी रुपयांचा अतिरिक्त निधीची मागणी नोंदविली.

यावेळी पाणीपुरवठा व स्वच्छता मंत्री बबनराव लोणीकर, ग्रामविकास मंत्री पंकजा मुंडे, विभागीय आयुक्त डॉ.पुरूषोत्तम भापकर, जिल्हाधिकारी अरुण डोंगरे, आमदार नागेश पाटील अष्टीकर यांच्यासह मान्यवर उपस्थित होते.

जिल्हाधिकारी डोंगरे यांनी जिल्हा वार्षिक योजनेच्या 2019-20 च्या आराखड्याची व अतिरिक्त मागणीची सविस्तर माहिती दिली. अतिरिक्त मागणी मध्ये शाळा दुरूस्ती व बांधकाम, जलयुक्त शिवार, पाणंद रस्ता विकास, वैद्यकीय महाविद्यालय व रुग्णालयासाठी यंत्रसामुग्री व साधनसामुग्री खरेदी, महावितरण, वन विभाग, ग्रामीण रस्ते विकास, अंगणवाडी, बांधकाम इत्यादी योजनांच्या तरतूदींचा समावेश होता. जिल्हा नियिोजन समितीने जिल्हा वार्षिक योजनेच्या सर्वसाधारण योजनेच्या एकुण 247 कोटी 95 लाख रुपयांचा प्रारुप आराखड्यास मान्यता दिलेली आहे, असेही यावेळी सांगितले.

*****