देगलूर, मुखेड, उमरी तालुक्यात

दुष्काळ सदृश्य परिस्थिती ;

विविध उपाययोजना, सवलती लागू

नांदेड, दि. 3 :- जिल्ह्यातील देगलूर, मुखेड व उमरी या तालुक्यात दुष्काळ सदृश्य परिस्थिती जिल्हाधिकारी अरुण डोंगरे यांनी जाहिर केली आहे. शासन निर्णयान्वये सन 2018-19 च्या खरीप हंगाम Trigger-2 लागू झालेल्या देगलूर, मुखेड व उमरी तालुक्यात दुष्काळ सदृश्य परिस्थिती जाहीर करुन विविध उपाययोजना व सवलती लागू करण्यात आल्या आहेत.  

दुष्काळसदृश्य परिस्थिती देगलूर, मुखेड व उमरी तालुक्यामध्ये जमीन महसूलात सूट, सहकारी कर्जाचे पुनर्गठन, शेतीशी निगडीत कर्जाच्या वसूलीस स्थगिती, कृषी पंपाच्या चालू विजबिलात 33.5 टक्के सुट. शालेय / महाविद्यालयीन विद्यार्थ्यांच्या परिक्षा शुल्कात माफी, रोहयो अंतर्गत कामाच्या निकषात काही प्रमाणात शिथिलता. आवश्यक तेथे पिण्याचे पाणी पुरविण्यासाठी टँकर्सचा वापर. टंचाई जाहीर केलेल्या गावात शेतकऱ्यांच्या शेतीच्या पंपाची वीज जोडणी खंडीत न करणे या सवलती लागू राहतील.

00000