किनवट औद्योगिक प्रशिक्षण संस्थेत

तासिका तत्वावरील पदांसाठी मुलाखती

नांदेड दि. 19 :- शासकीय औद्योगिक प्रशिक्षण संस्था किनवट येथे जोडारी, कार्यशालेय गणित व चित्रकला आणि संधाता या व्यवसायाच्या निदेशकांच्या रिक्त पदावर अत्यंत तात्पुरत्या स्वरुपातील तासिक तत्वावर काम करण्यास इच्छूक असणाऱ्या विहित शैक्षणिक अर्हताधारक उमेदवारांनी सोमवार 24 सप्टेंबर 2018 रोजी सकाळी 11 वा. शैक्षणिक अर्हतेच्या प्रमाणपत्रासह औद्योगिक प्रशिक्षण संस्था किनवट येथे मुलाखतीसाठी स्वखर्चाने उपस्थित रहावे. निवड झालेल्या उमेदवारांना शासनाच्या नियमाप्रमाणे तासिकेनुसार मानधन देय राहील, असे आवाहन किनवट येथील औद्योगिक प्रशिक्षण संस्थेचे मुकुंद कुलकर्णी यांनी केले आहे.

000000