वाहनांचा तृतीय पक्ष

विमा मुदतीत बदल

नांदेड, दि. 1 :- रिट याचिका क्र.295 / 2012 मधील चारचाकी व दुचाकी यांच्या तृतीय पक्ष विमा प्रकरणात मा. सुप्रिम कोर्ट ऑफ इंडिया यांनी 20 जुलै 2017 रोजी दिलेल्या आदेशानुसार 1 सप्टेंबर 2018 पासून नविन नोंदणी होणाऱ्या चारचाकी व दुचाकी वाहनांच्या तृतीय पक्ष (Third Party) विम्याची मुदत चार चाकी वाहनासाठी 3 वर्ष व दुचाकी वाहनासाठी 5 वर्ष करण्यात आली आहे. याची नांदेड जिल्हयातील नागरिकांनी व वाहन वितरकांनी नोंद घ्यावी असे आवाहन उप प्रादेशिक परिवहन अधिकारी नांदेड यांनी केले आहे. तसेच 1 सप्टेंबर पासून नवीन नोंदणीसाठी सादर होणाऱ्या अर्जासोबत वरील मुदतीचे विमा सादर करण्यात यावीत, असे उपप्रादेशिक परिवहन अधिकारी नांदेड कळवितात.

00000