समाज कल्याणच्या विविध

शिष्यवृत्तीसाठी अर्ज करण्याचे आवाहन  

            नांदेड, दि. 23 :- समाज कल्याण विभागाच्यावतीने देण्यात येणाऱ्या विविध शिष्यवृत्ती योजनचे (सन 2018-19) अर्ज ऑफलाईन पद्धतीने 3 सप्टेंबर 2018 पर्यंत गटशिक्षणाधिकारी कार्यालयामार्फत नांदेड जिल्हा परिषदेच्या समाज कल्याण कार्यालयात मुख्याध्यापकांनी सादर करावेत, असे आवाहन जिल्हा समाज कल्याण अधिकारी आ. ब. कुंभारगावे यांनी केले आहे.

            जिल्हा परिषद समाज कल्याण विभागामार्फत विद्यार्थ्यांना अनेक शिष्यवृत्ती योजना राबविण्यात येतात. यात सावित्रीबाई फुले शिष्यवृत्ती योजना (इयत्ता 5 वी ते 7 वी, 8 वी ते 10 वी ), इयत्ता 9 वी व दहावीमध्ये शिकणाऱ्या अनु. जातीच्या विद्यार्थ्यांना मॅट्रिकपूर्व शिष्यवृत्ती, गुणवत्ता शिष्यवृत्ती, मॅट्रिकपूर्व व मॅट्रिकोत्तर अपंग शिष्यवृत्ती आदी योजनेंतर्गत सन 2018-19 चे अर्ज ऑफलाईन पद्धतीने स्विकारण्यात  येणार आहेत.

            जिल्ह्यातील मुख्याध्यापकांनी सन 2018-19 साठी पात्र विद्यार्थ्यांचे अर्ज ऑफलाईन जिल्हा समाज कल्याण अधिकारी जिल्हा परिषद नांदेड यांचेकडे सादर करावीत. तसेच हार्ड कॉपी दोन प्रतीत सॉफ्टकॉपीसह सादर करावीत. शिष्यवृत्ती अर्जाचे नमुने सन 2017-18 प्रमाणे असून संबंधीत पंचायत समितीकडे उपलब्ध करुन देण्यात आले आहेत. शिष्यवृत्तीस पात्र विद्यार्थ्यांचा खातेक्रमांक हा आधार क्रमांकाशी लिंक असणे आवश्यक आहे, असेही प्रसिद्धी पत्रकात नमूद केले आहे.

0000000