कर्जमाफी योजनेला 1 मे पर्यंत मुदतवाढ

वंचित शेतकऱ्यांनी योजनेचा लाभ घ्यावा

- जिल्हा उपनिबंधक सहकारी संस्था

नांदेड , ‍दि. 23 :- छत्रपती शिवाजी महाराज शेतकरी सन्मान योजनेत ऑनलाईन अर्ज करण्यापासून वंचित राहिलेल्या शेतकऱ्यांसाठी अर्ज करण्याची मुदत आता 1 मे 2018 पर्यंत वाढविण्यात आली आहे. तरी  अशा शेतकऱ्यांनी अर्ज करून योजनेचा लाभ घ्यावा, असे आवाहन नांदेड जिल्हा उपनिबंधक सहकारी संस्थेचे प्रवीण फडणीस यांनी केले. 

राज्य सहकार, पणन व वस्त्रोद्योग विभागाने 16 एप्रिल 2018 रोजी शासन निर्णय निर्गमित केला असून या आदेशाच्या अनुषंगाने शेतकऱ्यांनी “आपले सरकार” या सेवा केंद्रावर किंवा https://csmssy.mahaonline.gov.in या पोर्टलवर स्वत: नोंदणी करुन युजर आयडी व पासवर्डच्या आधारे ऑनलाईन अर्ज सादर करता येतील. आपले सरकार पोर्टलवर माहिती भरुन ऑनलाईन अर्ज करण्याची सुविधा नि:शुल्क आहे, असेही प्रसिद्धी पत्रकात नमूद केले आहे.

000000