दारु दुकाने शुक्रवारी बंद

नांदेड, दि. 27 :-जिल्ह्यात धुलीवंदन व हल्लाबोल शुक्रवार 2 मार्च 2018 रोजी मोठ्या प्रमाणात साजरा करण्यात येतो. यानिमित्त कायदा व सुव्यवस्थेचा प्रश्न उद्धभवून अनुचित प्रकार घडणार नाही त्यासाठी जिल्ह्यात शांतता व सुव्यवस्था राहण्याच्यादृष्टिने जिल्हाधिकारी नांदेड यांनी मुंबई दारुबंदी कायदा 1949 चे कलम 142 (1) अन्वये जिल्ह्यातील सर्व सीएल-3, एफएल-4, एफएल-3, एफएल-2, एफएल / बीआर- 2 विक्रीच्या अनुज्ञप्त्याचे अंतर्गत व्यवहार पुर्णपणे बंद ठेवण्याचे आदेश दिले आहेत.

या आदेशाचा भंग करणाऱ्या अनुज्ञप्तीधारकाविरुद्ध दंडात्मक कार्यवाही करण्यात येईल याची संबंधितांनी नोंद घ्यावी, असेही आदेशात म्हटले आहे.

000000