शनिवारी दारु दुकाने बंद  

नांदेड, दि. 30 :- जिल्ह्यात व शहरात शनिवार 2 डिसेंबर 2017 रोजी मुस्लीम बांधवाच्यावतीने मोठ्या प्रमाणात ईद-ए-मिलादुन्नबी (हजरत मोहम्मद पैगंबर जयंती) साजरी करण्यात येणार आहे. त्या पार्श्वभूमीवर जिल्ह्यात दारु विक्री बंद ठेवण्याचे आदेश जिल्हाधिकारी नांदेड यांनी काढले आहेत.

उत्सवा दरम्यान जिल्ह्यात शांतता व सुव्यवस्था अबाधित रहावी आणि जिल्ह्यात कायदा व सुव्यवस्थेचा प्रश्न उद्भवून अनुचित प्रकार घडू नये म्हणून मुंबई दारुबंदी कायदा, 1949 चे कलम 142 (1) अन्वये शनिवार 2 डिसेंबर रोजी सायंकाळी 6 वाजेपर्यंत जिल्ह्यातील सर्व सीएल-3, एफएल-4, एफएल-2, एफएल-3 (परवाना कक्ष), एफएल/बीआर-2 व ताडी विक्रीच्या अनुज्ञप्त्याअंतर्गत व्यवहार पूर्णपणे बंद ठेवण्याचा आदेश दिला आहे. या आदेशाचा भंग करणाऱ्या अनुज्ञप्तीधारकाविरुध्द दंडात्मक कारवाई करण्यात येईल याची त्यांनी नोंद घ्यावी, असे या आदेशात नमूद करण्यात आले आहे.              

000000