तुर खरेदी पडताळणीसाठी समिती गठीत

शेतकऱ्यांनी तुर खरेदी केंद्रावर आणु नये

 नांदेड दि. 10 :- बाजार हस्तक्षेप योजनेंतर्गत 31 मे 2017 पुर्वी टोकन व नोंद असलेल्या शेतकऱ्यांची तुर खरेदी करण्यासाठी शासन निर्णयानुसार जिल्हाधिकारी नांदेड यांच्या आदेशान्वये शेतकरी व शेतकऱ्यांची तूर असल्याची पडताळणी करण्यासाठी  संबंधीत तालुक्याचे सहायक निबंधक यांचे अध्यक्षतेखाली समिती गठीत करण्यात आली आहे. ही समिती तुर नोंदीप्रमाणे पडताळणी करुन अहवाल दिल्यानंतर शेतकऱ्यांना दुरध्वनीद्वारे संपर्क करुन, बोलावून तुर खरेदी करण्यात येणार आहे. तुर्त शेतकऱ्यांनी तुर खरेदी केंद्रावर आणु नये, असे आवाहन जिल्हा पुरवठा अधिकारी नांदेड यांनी केले आहे.    

0000000