धनगरवाडीत
“चला गावाकडे जाऊ ध्‍यास विकासाचा
घेऊ” अभियान
नांदेड, दि. 30 :- औरंगाबाद विभागाचे
आयुक्‍त डॉ. पुरुषोत्तम भापकर यांच्या संकल्‍पनेतील “चला गावाकडे जाऊ ध्‍यास विकासाचा घेऊ” हे अभियान नांदेड तालुक्‍यातील धनगरवाडी येथे 20 ते 29 मे 2017 या कालावधीत राबविण्यात आले. या गावात श्रमदानाचे
काम करुन नागरीकांशी चर्चा करण्यात आली. गावातील
अडीअडचणी जाणुन त्‍याचे निरसनही करण्यात आले.
या
अभियानात वृक्ष
लागवडीसाठी खड्डे खोदण्यास सुरुवात करण्यात आली. वृक्ष लागवडीसाठी सामाजिक वनिकरण
विभागामार्फत चारशे रोपे मोफत देण्‍यात येणार आहेत. मगांराग्रारोहयो
अंतर्गत तुती लागवडीसाठीचा प्रतिसाद पाहता तुती
लागवडीसाठी जिल्हा रेशीम विकास अधिकारी यांचे सहकार्याने मार्गदर्शन व प्रोत्‍साहन
शिबीराचे आयोजन करण्यात आले. त्‍यातून नविन 10 शेतक-यांची निवड करण्यात आली.
यापूर्वी या गावातील 21 शेतक-यांनी तुती लागवड सुरु
केली आहे. या सर्व 31 शेतक-यांना व्‍हर्मी कंपोस्‍टींग व नाडेफबाबत
मार्गदर्शन करुन ही कामे घेण्‍यास
प्रोत्‍साहन देण्‍यात आले.
“गाळमुक्‍त तलाव व
गाळयुक्‍त शिवार” या योजनेअंतर्गत गावा शेजारील कल्‍हाळ
तलावातील गाळ काढण्‍याच्‍या कार्यक्रमास सुरुवात करण्यात आली.
यासाठी शेतक-यांचा चांगला प्रतिसाद मिळत आहे. “उन्‍नत
शेतकरी समृध्‍द शेतकरी” या शासनाच्‍या पंधरवाडा
अभियानांतर्गत कृषी विभागामार्फत कृषीच्‍या कामांचे मार्गदर्शन करण्यात आले. ज्‍यासाठीही
शेतक-यांनी उत्‍साह दर्शविला.
तसेच त्‍यासोबत शासनाच्‍या “गाळमुक्‍त तलाव व गाळयुक्‍त शिवार” आणि “उन्‍नत शेतकरी
समृध्‍द शेतकरी” पंधरवाडा असे कार्यक्रम एकत्रित राबविण्यात आले. यावेळी
तहसिलदार किरण अंबेकर, जिल्हा रेशीम अधिकारी श्री.
नरवाडे, लागवड अधिकारी श्री. शेख, मंडळ कृषी
अधिकारी श्री. घाटूळ यांनी मार्गदर्शन केले.
000000
No comments:
Post a Comment