Saturday, February 18, 2017

जिल्ह्यासाठीच्या तीन स्थानिक सुट्या जाहीर
नांदेड दि. 18 :- शासन निर्णयानुसार जिल्हाधिकारी सुरेश काकाणी यांच्या अधिकारात असलेल्या सन 2017 या वर्षाकरीता नांदेड जिल्ह्यात तीन स्थानिक सुट्ट्या जाहीर करण्यात आल्या आहेत.  
शनिवार 15 एप्रिल 2017 रोजी हाजी सय्यद सरवरे मगदूम (रहे) कंधार उरुस निमित्त, बुधवार 30 ऑगस्ट 2017 रोजी जेष्ठा गौरी पुजन आणि शनिवार 16 डिसेंबर 2017 रोजी श्रीक्षेत्र खंडोबा माळेगाव यात्रा (पालखी सोहळा) या तीन स्थानिक सुट्ट्या नांदेड जिल्ह्यातील सर्व राज्य शासकीय कार्यालये, जिल्हा परिषदे अंतर्गतची कार्यालये, महानगरपालिका, नगरपालिका कार्यालये, स्थानिक स्वराज्य संस्थांची कार्यालये तसेच कोषागार व उपकोषागार कार्यालये व इतर शैक्षणिक संस्था यांना लागू राहतील.
हा आदेश नांदेड जिल्ह्यातील दिवाणी व फौजदारी न्यायालये, तसेच केंद्र शासनाची कार्यालये आणि बँका यांना लागू राहणार नाही, असेही या अधिसुचनेत म्हटले आहे.

000000

No comments:

Post a Comment

वृत्त क्र. 283

  वृत्त क्र.   283 निवडणूक खर्च निरीक्षक नांदेडमध्ये दाखल ; खर्चावर काटेकोर लक्ष ठेवण्याचे आवाहन नांदेड, दि. 28 : लोकसभा निवडणूक ही अतिशय गं...