दिवंगत सेवारत सैनिकाच्या

पत्नीस 75 हजार रुपयांची मदत

नांदेड, दि. 31 :-  जिल्ह्यातील कंधार तालुक्यातील शैलाळी येथील रहिवासी दिवंगत सैनिक चंद्रकांत केंद्रे यांचा सैन्य सेवेत असतांना मृत्यू झाला.  त्यांनी 323 फिल्ड रेजिमेंट (आर्टीलरी) मध्ये 12 वर्ष सेवा केली होती. त्यांच्यापत्नीस सैनिक कल्याण विभाग महाराष्ट्र राज्य यांचेकडून 75 हजार रुपयाची आर्थिक मदत देण्यात आले. आर्थिक मदतीचे प्रकरण जिल्हा सैनिक कल्याण कार्यालयामार्फत सादर करण्यात आले होते. त्यानुसार 75 हजार रुपयाचा धनादेश त्यांच्या पत्नी श्रीमती मिनाक्षी चंद्रकांत केंद्रे यांना निवासी उपजिल्हाधिकारी जयराज कारभारी यांच्या हस्ते देण्यात आला. यावेळी वडील रघुनाथ केंद्रे, कल्याण संघटक कमलाकर शेटे  हे उपस्थित होते.

000000