ज्येष्ठ नागरिकांसाठी बुधवारी कार्यशाळा

नांदेड, दि. 29 :- जागतिक ज्येष्ठ नागरिक दिनाचे औचित्य साधून ज्येष्ठ नागरिकांच्या संदर्भातील कायदे, शासनाच्या विविध योजनांची माहिती देण्यासाठी ज्येष्ठ नागरिकांची एक दिवशीय कार्यशाळा बुधवार 5 ऑक्टोंबर 2016 रोजी सकाळी 11 वा. डॉ. बाबासाहेब आंबेडकर सामाजिक न्याय भवन येथील सांस्कृतीक सभागृह ज्ञानमाता शाळेसमोर नांदेड येथे आयोजित करण्यात आली आहे. सर्व ज्येष्ठ नागरिकांनी या कार्यशाळेस उपस्थित राहून लाभ घ्यावा, असे आवाहन सहाय्यक आयुक्त समाज कल्याण नांदेड यांनी केले आहे.  

दरवर्षी 1 ऑक्टोंबर हा दिवस जागतिक ज्येष्ठ नागरिक दिन म्हणून साजरा करण्यात येतो. केंद्र शासनाने ज्येष्ठ नागरिकांच्या कल्याणासाठी आई-वडील व ज्येष्ठ नागरिक यांच्या चरितार्थ व कल्याणासाठी अधिनियम 2007 तसेच राज्य शासनाने सन 2013 मध्ये राज्याचे ज्येष्ठ नागरीक धोरण जाहीर केले आहे.

0000000