Wednesday, September 7, 2016

राष्ट्रीय लोकन्यायालयाचे आयोजन
10 सप्टेंबर ऐवजी 8 ऑक्टोंबर रोजी
नांदेड, दि. 7 :- नांदेड जिल्हा न्यायालयात व सर्व तालुका न्यायालयात 10 सप्टेंबर रोजी राष्ट्रीय लोकन्यायालयाचे आयोजन करण्यात आले होते. राज्यात शनिवार 10 सप्टेंबर रोजी महालक्ष्मी सण येत असल्यामुळे  राष्ट्रीय लोकन्यायालय पुढे ढकलण्यात आले असून शनिवार 8 ऑक्टोंबर 2016 रोजी होणाऱ्या राष्ट्रीय लोकन्यायालयामध्ये समाविष्ट करण्यात आले आहे. विधीज्ञ, पक्षकारांनी याची नोंद घ्यावी, असे अवाहन जिल्हा विधी सेवा प्राधिकरणाच्या अध्यक्षा तथा प्रमुख जिल्हा न्यायाधीश सविता बारणे यांनी केले आहे.    
राष्ट्रीय लोकन्यायालयात पक्षकार, वकिलांनी आपली जास्तीतजास्त फौजदारी अदखलपात्र गुन्हयातील तडजोडयोग्य प्रकरणे तसेच वाहतुक, पेट्टी मॅटर व नगरपालीका, महानगरपालिका यांची प्रकरणे सांमजस्याने मिटविण्यासाठी ठेवून आपसात निकाली काढावीत. शनिवार  10 सप्टेंबर ऐवजी 8 ऑक्टोबर रोजी पक्षकारांनी आपली प्रकरणे निकाली काढण्यासाठी संबंधित न्यायालयास, जवळच्या विधी सेवा समिती  किंवा जिल्हा विधी सेवा प्राधिकरण नांदेड यांच्याशी संपर्क साधावा, असेही आवाहन जिल्हा विधी सेवा प्राधिकरणाचे सचिव न्या. ए. आर. कुरेशी यांनी केले आहे.

000000

No comments:

Post a Comment

वृत्त क्र. 283

  वृत्त क्र.   283 निवडणूक खर्च निरीक्षक नांदेडमध्ये दाखल ; खर्चावर काटेकोर लक्ष ठेवण्याचे आवाहन नांदेड, दि. 28 : लोकसभा निवडणूक ही अतिशय गं...