वृत्त क्रमांक 

आपले सरकार पोर्टलसंबंधी प्रशिक्षणाचे आज आयोजन

नांदेड दि. 4 मे :- जिल्हा परिषदेच्या ग्रामपंचायत विभागासाठी आपले सरकार पोर्टलबाबतचे प्रशिक्षण मंगळवार 5 मे 2026 रोजी कै. डॉ. शंकरराव चव्हाण नियोजन भवन प्रेक्षागृह जिल्हाधिकारी कार्यालय परिसर नांदेड येथे आयोजित करण्यात आले आहे, सर्व संबंधितांनी या प्रशिक्षणास उपस्थित रहावे, असे आवाहन जिल्हा प्रशासनाने केले आहे. 

हे प्रशिक्षण नांदेड, लोहा, कंधार, अर्धापूर, मुदखेड, भोकर, हदगाव, नायगाव तालुक्यासाठी सकाळी 10 वा. तर देगलूर, बिलोली, मुखेड, धर्माबाद, उमरी, हिमायतनगर, किनवट, माहूर तालुक्यासाठी दुपारी 1 वा. हे प्रशिक्षण होणार आहे. 

ग्रामविकास विभागाचा शासन निर्णय 28 जानेवारी 2025 नुसार महाराष्ट्र लोकसेवा हक्क अधिनियम 2015 अंतर्गत अधिसूचित केलेल्या आपले सरकार पोर्टलवरुन नागरिकांना सेवा पुरविण्यासाठी युजर आयडी उपलब्ध करुन देण्यात आले आहे.

00000