वृत्त क्र. 173

एसजीजीएस आयई अँड टी आणि सर्वह इन्क्युबेशन फाउंडेशन यांच्या संयुक्त विद्यमाने

नांदेड येथे प्रादेशिक इनोवेशन व स्टार्टअप संवाद

नांदेड, दि. 5 फेब्रुवारी : - श्री गुरु गोबिंदसिंगजी इन्स्टिट्यूट ऑफ इंजिनिअरिंग अँड टेक्नॉलॉजी (SGGSIE&T), नांदेड आणि सर्वह इन्क्युबेशन फाउंडेशन यांच्या संयुक्त विद्यमाने प्रादेशिक इनोवेशन व स्टार्टअप संवाद कार्यक्रमाचे आयोजन शुक्रवार 6 फेब्रुवारी 2026 रोजी एसजीजीएस आयई अँड टी नांदेड येथे करण्यात आले आहे.

हा संवाद कार्यक्रम विद्यार्थ्यांपासून स्टार्टअप्स, प्राध्यापक, उद्योग क्षेत्रातील व्यावसायिक तसेच इनोवेशन परिसंस्थेतील भागीदारांना एकत्र आणून इनोवेशन, उद्योजकता आणि प्रादेशिक स्टार्टअप परिसंस्था विकासावर सखोल चर्चा घडवून आणण्याच्या उद्देशाने आयोजित करण्यात आला आहे.

या कार्यक्रमास महाराष्ट्र राज्य नाविन्यता सोसायटी (MSInS), महाराष्ट्र शासन यांचे मुख्य कार्यकारी अधिकारी डॉ. श्रीकांत पाटील हे प्रमुख पाहुणे म्हणून उपस्थित राहणार आहेत. यावेळी ते महाराष्ट्राच्या इनोवेटिव दृष्टीकोनाविषयी, शासनाच्या विविध उपक्रमांविषयी तसेच विद्यार्थी, स्टार्टअप्स, शैक्षणिक संस्था आणि उद्योग क्षेत्र नवोन्मेष प्रक्रियेत कशा प्रकारे सहभागी होऊ शकतात याबाबत मार्गदर्शन करणार आहेत.

हा प्रादेशिक संवाद महाराष्ट्रातील नवीन्यता व स्टार्टअप परिसंस्थेला बळकटी देण्यासाठी सहकार्य, ज्ञानविनिमय आणि संवादाचे प्रभावी व्यासपीठ ठरणार आहे.

कार्यक्रमाचा तपशील: दिनांक: ६ फेब्रुवारी २०२६, वेळ: सकाळी १०.३० ते दुपारी १

स्थळ: श्री गुरु गोबिंदसिंगजी इन्स्टिट्यूट ऑफ इंजिनिअरिंग अँड टेक्नॉलॉजी (SGGSIE&T), नांदेड

हा कार्यक्रम विद्यार्थी, स्टार्टअप्स, प्राध्यापक, उद्योग प्रतिनिधी आणि इनोवेटिव परिसंस्थेतील भागीदारांसाठी खुला आहे. नोंदणीसाठी लिंक या QR स्कॅन करा : https://forms.gle/NptDJZwEFhSDdfYv9

00000