जलसंधारण उपाययोजना पारंपारिक,

अपारंपरिक या विषयावर वेबिनार संपन्न 

नांदेड (जिमाका) दि. 11 :-भू.स.वि.यं. सुवर्ण महोत्सवी वर्ष 2021 निमित्त भूजल विषयक तांत्रिक बाबींची संपूर्ण माहिती व जनजागृती होण्यासाठी भूजलाशी निगडीत विविध विषयावर वेबिनार आयोजित करण्यात येत आहेत. आज भूजल सर्वेक्षण आणि विकास यंत्रणेचे कनिष्ठ भूवैज्ञानिक आर.व्ही. पवार यांनी  “जलसंधारण उपाय योजना, पारंपारिक व अपारंपरिक” या विषयावर वेबिनारद्वारे सादरीकरण केले. यावेळी विद्यापीठातील भूगर्भशास्त्र, भूभौतिकशास्त्र आदी विभागातील विद्यार्थी  तसेच अभियांत्रिकी व इतर महाविद्यालयातील असे एकूण 60 च्यावर विद्यार्थ्यांनी यांचा लाभ घेतला असे भूजल सर्वेक्षण आणि विकास यंत्रणेचे वरिष्ठ भूवैज्ञानिक एस.बी. गायकवाड यांनी कळविले आहे.

0000