हिमायतनगर, बिलोली, धर्माबाद, नायगाव

नगरपरिषद / नगरपंचायतीच्या पोटनिवडणूक

हद्दीत मतदान करण्यासाठी दोन तासाची सवलत

नांदेड दि. 3 :-  जिल्ह्यातील हिमायतनगर प्रभाग 2, बिलोली प्रभाग 5-अ, धर्माबाद प्रभाग-2 व 4-अ, नायगाव प्रभाग-1 येथे घेण्यात येणाऱ्या नगरपरिषद / नगरपंचायतीच्या पोट निवडणूकीसाठी त्या-त्या प्रभागातील मतदारांना मतदानाचा हक्क बजावण्यासाठी मतदानाच्या दिवशी गुरुवार 6 फेब्रुवारी 2020 रोजी दोन तासाची सवलत देण्यात येणार आहे, अशी अधिसूचना जिल्हाधिकारी अरुण डोंगरे यांनी निर्गमीत केली आहे.

मतदानाच्या दिवशी मतदार मतदानापासून वंचित राहू नये, जर मतदाराकडून मतदानाकरीता दोन तासाची सुट्टी अथवा सवलत प्राप्त न झाल्याने मतदान न झाल्याबाबत तक्रार आल्यास संबंधीत आस्थापना, व्यावसायिकाविरुद्ध कार्यवाही करण्यात येईल याची नोंद घेण्यात यावी,  असे अधिसुचनेत जिल्हाधिकारी अरुण डोंगरे यांनी नमूद केले आहे.

000000