जिल्हा ग्रंथालय कार्यालयात

 डॉ. एस. आर. रंगनाथ जयंती

निमीत्त ग्रंथप्रदर्शन कार्यक्रम संपन्न

          नांदेड दि. 13 :- भारतीय ग्रंथालयशास्त्राचे जनक डॉ. एस. आर. रंगनाथन यांची जयंती दरवर्षी 12 ऑगस्ट रोजी साजरी करण्यात येते. त्यांचा जन्म दिवस सर्वत्र ग्रंथपालन दिन म्हणून साजरा करण्यात येत असतो. यानिमित्ताने जिल्हा ग्रंथालय अधिकारी कार्यालय नांदेडच्यावतीने ग्रंथप्रदर्शनाचे आयोजन करण्यात आले होते. या ग्रंथपद्रर्शनाचे उद्घाटन साहित्यिक, कलावंत देवदत्त साने यांच्या हस्ते संपन्न झाले. या कार्यक्रमास प्रमुख अतिथी म्हूणन विधी महाविदयालयाचे ग्रंथपाल प्रा. राजीव वाघमारे, डॉ राम  मनोहर लोहिया महानगरपालिकेचे ग्रंथपाल संजीव कार्ले हे उपस्थित होते.

         याप्रसंगी देवदत्त साने यांनी जीवनात ग्रंथाचे व वाचनाचे महत्व विशद केले. तसेच ग्रंथालय क्षेत्रामध्ये विविध ठिकाणी उपलब्ध असलेल्या नोकरीच्या संधीबाबत माहिती दिली.

या ग्रंथपद्रर्शनातील ग्रंथाचा लाभ जिल्हयातील नागरिक, विद्यार्थ्यानी घ्यावा, असे अवाहन जिल्हा ग्रंथालय अधिकारी आषिश ढोक यांनी याप्रसंगी केले.

कार्यंक्रमाचे सुत्रसंचालन व आभार प्रताप सुर्यवंशी यांनी केले. या कार्यक्रमास को. मा. गाडेवाड, संजय पाटील, गजानन कळके, प्रसाद आवतिरक, अंकुश टेकाळे, गौरव राजमोड, प्रशांत पाटील, विना कातळे, रुक्मीण सावते, मोनिका दाबेवार, सरिता गायकवाड, धुते शितल, ऐश्वर्या फड मनिषा आराळे, सुवर्णमाला किर्ती यांच्यासह अनेक विद्यार्थी वाचक उपस्थित होते.

000000