बालगृहातील मुलांसाठी

बाल महोत्सवाचे आयोजन

नांदेड, दि. 3 :- जिल्ह्यातील बाल कल्याण क्षेत्रात कार्यरत असणाऱ्या शासकीय, स्वयंसेवी संस्थांच्या बालगृहामध्ये पुनर्वसनासाठी दाखल झालेल्या अनाथ, निराधार, निराश्रित, उन्मार्गी मुलांमधील सुप्त गुणांना वाव देऊन त्यांच्यात एकमेकांविषयी बंधुभाव, सांघिक भावना निर्माण होण्यासाठी चाचा नेहरु बालमहोत्सवाचे आयोजन 5, 6 व 7 डिसेंबर रोजी करण्यात आले आहे.

हा बालमहोत्सव जनकल्याण बहुउद्देशीय प्रतिष्ठान पिंपळकुंठा संचलित लहुजी साळवे निराधार निराश्रित बालकाश्रम, वसंत हायस्कुल जवळ, पोतदार कॉलेज समोर, धनगरवाडी रोड, साईबाबानगर वाडीपाटी नांदेड येथे आयोजित करण्यात आला आहे.

या बाल महोत्सवादरम्यान मुलांच्या मैदानी क्रिडा स्पर्धाचे तसेच सांस्कृतीक कार्यक्रमाचे आयोजन करण्यात आले आहे. अशी माहिती नांदेडचे जिल्हा महिला व बालविकास अधिकारी धर्मपाल शाहू यांनी दिली आहे.

00000