नदीपात्रापासून पाचशे मीटरच्या आत

माती उत्खनन करण्यास प्रतिबंध 

नांदेड, दि. 23 :- वीटभट्टीधारक अथवा त्यांचे नोकर, वीटभट्टी चालक यांना नांदेड जिल्हा हद्दीतील वाहणाऱ्या सर्व नदीपात्रापासून 500 मीटरच्या आत दोन्ही बाजुनी नदी काठा लगत असणाऱ्या खाजगी / शासकीय मालकीच्या शेतामध्ये माती उत्खनन करण्यास प्रतिबंध आदेश जिल्हादंडाधिकारी अरुण डोंगरे यांनी काढला आहे.

जिल्हादंडाधिकारी अरुण डोंगरे यांनी फौजदारी प्रक्रिया संहिता 1973 चे कलम 144 अन्वये 23 ऑक्टोंबर 2018 रोजी सकाळी 6 वाजेपासून ते 20 डिसेंबर 2018 रोजी मध्यरात्री पर्यंत हा आदेश लागू केला आहे.    

00000