मराठी भाषा संवर्धन पंधरवाडा साजरा

नांदेड, दि. 12 :- मराठी भाषा संवर्धन पंधरवाडाचे औचित्य साधून जेष्ठ बालकवी माधव चुकेवाड यांच्या हस्ते मराठी भाषेचे पुस्तके वाटप करण्यात आली. मराठी भाषा संवर्धन पंधरवाडा 1 ते 15 जानेवारी या कालावधीत साजरा करण्यात येत आहे. त्याअनुषंगाने नुकताच उद्योग भवन येथे कार्यक्रमाचे आयोजन करण्यात आले होते.  

यावेळी श्री. चुकेवाड म्हणाले, ग्रामीण भागात बोलल्या जाणाऱ्या अनेक शब्दांचा उपयोग प्रमाण भाषेत केल्यास मातृभाषा समृद्ध होईल. ॲड. एस. एन. टेळकीकर यांनी मातृभाषेचा प्रचार आणि प्रसार होण्याची गरज असून भाषा संवर्धनासाठी मराठी पुस्तक व वर्तमानपत्राचे वाचन करावे, असे सांगितले.  सहायक कामगार आयुक्त बी. एम. मोरडे यांनी प्रत्येकांनी मराठी भाषा संवर्धनाची कास धरुन समाजात जनजागृती करावी, असे आवाहन केले. कार्यक्रमाचे सुत्रसंचलन सरकारी कामगार अधिकारी अविनाश पेरके यांनी केले.

0000