हलके मोटार वाहन लायसन्ससाठी आवाहन

नांदेड दि. 21 :- परिवहन संवर्गातील हलके मोटार वाहनाच्या लायसन्ससाठी हलके मोटार वाहन चालविण्याचा एक वर्षाच्या अनुभवाची आवश्यकता नाही. तथापि अशा संवर्गाच्या अनुज्ञप्तीसाठी अर्ज करताना अर्जदाराचे वय 20 वर्ष पूर्ण असणे, शैक्षणीक अर्हता किमान 8 वी उत्तीर्ण असणे, तसेच अर्जासोबत वैद्यकीय प्रमाणपत्र जोडणे या अटींची पूर्तता करणे आवश्यक आहे.

परिवहन संवर्गातील हलके मोटार वाहन चालविण्याच्या लायसन्ससाठी अर्ज करताना विहित अटींची पुर्तता केल्यास त्यांना शिकाऊ अनुज्ञप्तीसाठी प्रादेशिक परिवहन कार्यालय नांदेड येथे https://parivahan.gov.in/sarathiservice या संकेतस्थळावर जाऊन अर्ज करता येईल. संबंधीत नागरिकांनी, ड्रायव्हींग स्कुलच्या मालकांना याची नोंद घ्यावी, असे आवाहन प्रादेशिक परिवहन अधिकारी नांदेड यांनी केले आहे.