जालना येथे सैन्य भरतीचे आयोजन   

नांदेड, दि. 13  :- सैन्य भरती कार्यालय औरंगाबाद  यांच्याकडून जालना येथे 27 एप्रिल 2017 ते 7  मे 2017 या कालावधीत सैन्य भरती रॅलीचे  आयोजन करण्यात आले आहे.   ही  सैन्य भरती  नांदेड, परभणी, हिंगोली, जालना, धूळे, नंदूरबार, औरंगाबाद, बुलढाणा व जळगाव  या  9 जिल्हयांसाठी  आहे. 

नांदेड जिल्हयातील इच्छूक उमेदवारांनी पात्रतेसंबधी www.joinindianarmy.org  या संकेतस्थळावर माहिती घेवून भरतीसाठी तयारी करावी. महाराष्ट्र  माजी  सैनिक महामंडळ संचलित मेस्को करीअर ॲकडमी  सातारा  व बुलडाणा  येथे 6 हजार 500 रुपये या अल्पदरात एक  महिन्याचे प्रशिक्षण दिले जाते. यात भोजन, निवास व प्रशिक्षण शुल्क समाविष्ट आहे. युवकांनी याचा लाभ घ्यावा. अधिक माहीतीसाठी   जिल्हा  सैनिक कल्याण   कार्यालय नांदेड  येथे  संपर्क करावा, असे  आवाहन सैनिक कल्याण अधिकारी  मेजर  व्ही. व्ही. पटवारी  यांनी  केले आहे.

000000