वृत्त क्रमांक 795

अंगदान जीवन संजीवनी अभियान अंतर्गत रविवारी जनजागृती  रॅलीचे आयोजन 

 नांदेड दि. 1  ऑगस्ट : जागतिक अवयवदान दिनानिमित्त आरोग्य मंत्री महाराष्ट्र राज्य तसेच आयुक्त आरोग्य सेवा आयुक्तालय, मुंबई यांच्या सूचनेनुसार संपूर्ण राज्यभरात 3 ऑगस्ट ते 15 ऑगस्टपर्यंत अंगदान जीवन संजीवनी अभियान राबविण्यात येणार आहे. 

त्या अनुषंगाने 3 ऑगस्ट रोजी सकाळी 9 वा. जिल्हा रुग्णालयाच्यावतीने रॅलीचे आयोजन करण्यात आले आहे.  ही रॅली  शहरातील आयटीआय कॉर्नर येथील महात्मा फुले पुतळ्यापासून निघणार असून कलामंदिर, पोलीस मुख्यालय, वजिराबाद मार्ग जाणार असून रॅलीचा समारोप हे जिल्हाधिकारी कार्यालय नांदेड येथे होणार आहे.  

या रॅलीमध्ये नांदेड शहराअंतर्गत येणारे शासकीय व निमशासकीय  कार्यालयातील अधिकारी व कर्मचारी तसेच शाळा व महाविद्यालय येथील प्राचार्य, मुख्याध्यापक व शिक्षक यांनी जास्तीत जास्त विध्यार्थ्यांसह सहभाग नोंदवावा, असे आवाहन जिल्हा शल्यचिकित्सक डॉ. संजय परके यांनी केले आहे. 

00000